7月27日晚

和7a舊同學出黎食飯，銅鑼灣潮樓，每人五十大元．勁抵。飯畢去左飲野，初頭諗住一兩杯，點知飲到凌晨四點打烊，之後落街仲猫左．．．

 

7月28日

直接番工，成日都好頭痛

之後去左鈎墨魚...食蛋...慘

 

7月29日-大休

夜蘭人靜時，拿起了書展買回來的一本講送禮的書

其中提到一些季節花語－楓葉－深思遠慮．．．

回想自己的名子是父母賜予的．帶著他們的祝福．

給了一個楓字可能只是出於偶然，但是自己是十分喜歡的。全因為他的與眾不同，相對風，他多了木字部；相對鋒，他多了點點特別．

多好．．．

星期六晚收工去左書展行左轉，本地書1-2號館比較多人係有ｄ水洩不通，簡體書相對比較好行，而且佢地ｄ書比較平，同一本書爭成2倍幾價錢。雖然係第一次行書展便有不少斬獲，有旅遊書、有實用的、仲有ｄ講top100 wonderful places in the world 的畫書．．．

 

係屋企死左．．．

 

一個週末就這樣過去了

 

N.B.: 旅行方面，想係8月請2日假去台灣...

今朝睇明報有一份EPD的Prosecution assistant，要求係Diploma in law...apply 試下的念頭一閃即逝

 

而家每朝好像已經樣成了一個買報紙的習慣．．．either 明報或者scmp ，因為自覺不足，所以要多學習

 

上星期申請左張恆生信用咭megabox cc因為諗住會買部電腦。雖然唔知有冇用，不過都會有貪心那份贈品的心態．．．

收左信去拿咭，批左張platimun 咭．係咁大個仔的第一張白金咭也．．．

過去的一週，好像特別難過，其中一個主要原因是繁重的工作(工作壓力真的不小)

究竟是自己太執著，還是其他原因呢．．．如果懂得欣賞會放下，哪有多美。

 

每當放下工作便想著玩．．．想著．．．

夜晚睇新聞，保華吊運紅架時, 紅架墮下又一單fatal...lee 排真係比較旺．．．膽戰心驚

 

地盤方面一早9點多ｄｄ又有單accident...最慘係個水喉師傅撞倒條腰同左前臂(前臂骨折．脊骨裂左)，唔「旭」得仲要係38樓，籠「車立」淨係去到27。唯有call 白車，等到白車佬到都成40分鐘．．．用鏟床，首先抬6層，最後仲要黎8層，真係人都散．．．地鐵Amby六點幾打黎話要份preliminary report...

不知是否感染了考試後焦慮症侯群．．．打從11June考完最後一科Land起，自己就是沒有心情，提不起勁；好像一個洩了氣的水泡，在水中亦浮亦沈

 

以為出海、行山甚或與三五知己出黎食飯會好ｄ，無可否認，玩的哪一刻心情的確是放鬆了；但是在回到家的背後，亦是提不起勁

 

現在房中的書桌、床依然與考試前未有分別，甚至更亂；堆積了一疊疊書和notes

 

每天回家不是吃飯，就是看電視．．．

12 July

地盤中IN...

13 July

上左勞記跪玻璃，無巧而回

14 July

工作停不了，不提也罷．

放工帶著點點疲累，去左間Beira Dos Nomorados 食晚飯，第一次食葡國菜，大部份菜都ok，其中個拼盤幾特別值得一試，唔錯．．．

15 July

原本計劃星期日去清水灣游水，可惜又怕遠，最終只係去左赤柱，只因為地點便利。

同james兩條友，係一間叫King Ludwig Beerhall的German Cuisine食lunch，淨係個bean+sausage湯已經very heavy. 之後仲有potato cakes 同sausage sampler, 結果係食唔晒．．．．不過Murray house 的環境真係唔錯，個friend 話夜晚仲正。係到吹下水，真係好舒服。

之後係赤柱市集閒逛左一陣，就去正灘游水、曬太陽．．．雖然潮退時比ｄ蠔殼鎅損手，不過係太陽下面訓，真係超掂。