| แฟ้มประวัติlittle boyรูปถ่ายบล็อกรายการ |  เครื่องมือ  วิธีใช้ |
花費 今日，相信不是一個特別的日子，有同事提議lunch過吉之島元氣食壽司，那便去吧！我同開仔遲左ｄ到，tiki 媽媽就不停地叫，又話我同開仔唔食野．．．不停叫的結果係每人埋單一百蚊（八折左）．．．好似溶左少少。回想中學時，form 1,2一個杯麵就一餐（10蚊有找），升中三就食快餐店（都係14蚊連野飲），出黎做野的初期都係有咁平食咁平（廿蚊上下），真係冇咩咁豪的記錄；食豪左，又好似未必一定飽ｄ，為咩？？
－－－
夜晚突然下了一場雨，在徬徨怎樣回家的時間，收到一個好warm的問候，又哪怕雨下不停．．． 睡意有點後悔今日太早起身，令至一個上晏在圖書館也是在半睡半醒中渡過。 飲了一杯無加糖亦無加奶的espresso，先好d，近日已經漸漸愛上了苦苦的齋啡；如果唔即刻飲水，仲會有咖啡的香味停留在口中一段時間。 library 七點鐘close，24hours study room比人完全佔據了，唯有坐左係圖書館出面的地方，反而好似更專心，溫左大部份的secret trust 。 回家途中，已經不再想探究吃甚麼，隨便吃了個粥便算數；路經萬寧順道買了半打白蘭氏比阿媽，已經忘記了母親節是今日定係next week．．．好攰 5月天 收到恆生寄來的一本annual financial report，轉頭已經將佢放埋一邊，完全冇興趣，學人「未求知，就去投資！」 剛剛apply左polyu 個auditor course－12K，真是千金散盡，今個月要節儉ｄ．．．（想） 最近2晚都去左supersandwiches食晚飯，愛上了吃ribbon shaped pasta - linguine，晚餐就是一個paste一個意大利雜菜湯。 工作：地盤出面又地陷，又爆漿，多事，今日幾個政府部門落左黎睇；安全方面lee 期的hit topic係伙計一定要帶帽帶，最難係要推自己伙計帶，分判商可以出信，伙計唔通炒左佢？ 今日仲review emergency preparedness，星期五番工要report。 最開心的日子就是假期前甚或星期六的晚上，因為沒有平日哪麼掛心，可以放下心情去溫書。 離考試還有不到一個月，收拾了心情，雖然沒有再想今年的結果，只當求知，可惜進度也是一般。 (考試前第29天） |
|
|
