| Fung's profilelittle boyPhotosBlogLists |  Tools  Help |
努力Almost completed the two assignments for the language course, and there is still one due. Try my endeavor to finish it by tomorrow night, hopefully with the chinese 1000 words argumentative writing as well. 很久未有產話咁夜食晚飯（剛剛），咁夜訓，只希望 把手頭工作快些完成。 家書今晚，係屋企個信箱,看見了自己由神山寄給阿爸阿媽的家書(Postcard)，坦述了今次與Friend 同遊的玄虛﹣﹣﹣一個大謊話﹣﹣﹣自己一個自由行。。。 不過真不敢想像他們知道了的反應，媽媽會哭吧，因為在他們眼中,我永遠是長不大，不懂照顧自己的兒子．．．我是嗎？ 其實我真是很不孝，衍光離開後，大份部份的時間，我也不是一個好孩子，一個不愛歸家的孩子；因為自己就是不愛與他們說感受，怕他們煩其實只是自己的藉口，自己根本不懂得與他們好好溝通，在媽的眼中我是不懂交際，沉默寡言的，有時連自己也不知道個中一原因。。。 幸好，他們今晚還未檢查信箱，給了自己一晚想一想是否應該自己接收這哪封家書的機會，，． 還有兩份功課未做，想開始，但又未有拿起筆子；累了，亦不想睡。 點點經歴在金門，已經三天了，還有很多很多的不習慣；這裡的人、這裡的事，都不是想像般容易，在這裡做個安全從業員更不容易。現在又不像以往在泰昇、中電的日子，自己還是做細，可以放膽去做，因為輸得起，又有大佬頂；而在安保，一間在我眼中問責制不重的公司，衰左都冇鑊，雖然係個個盤都做到踢曬腳，都冇人會嘈。相反，現在不同了，公司講制度，工作方式亦不再隨便，雖然自己是新人，但已經自己話事，同時為自己的事負責，一入去，個SPM就講個個都走，你仲入黎﹣﹣﹣；又聽到個判頭話Island East fatal發生之後，安全經理第二日自己辭職，個安全主任又係不久之後走埋，雖然唔知緊定流，不其然都給了自己點點壓力。
而地盤你講大鑊野雖然唔係好多，但有時真係唔知找邊個對口，個判頭打理又找佢唔到，自己人又話話左判頭好多次，不過判頭賴皮。。。同Site Agent 甲左出warning letter, SPM又話係meeting 講左先，除非有即時危險。。。又例如有套風煤就咁放係地下，叫判頭執，佢話聽日風煤車仔黎，心諗以往文生肯定ject，因為係foundation 推車仔即係吹水，但在金門，這是可以接受的，架車仔當然係今日都未黎。
可能是自己想得太多，不論如何，儘人事吧！要學會看開一點。
金門。。。 亞庇８日７夜之旅這個假期的開始是因為新工作，他的結束亦意未著新工作的展開，同時代表和安保告別。 旅行前一晚，雖然是假期，但未有休息的機會，一早便走左去西頁幫人做support team；連執行李都堆在出發前的一早進行，結果就是連lonely planet本書，trip 個 plan都未帶，旅程好像在雲霧裡展開。 去機場，原本15分鐘一班的巴士在美孚等了半小時都未到，到了２點離起飛還有不到２小時，機票還未領取，心自然急了，難道第一次自己去的旅程係飛機都上唔到，留在家好像浪費了點吧！ 最後，決定轉地鐵，幸運地於2:45分到達機場，順利領了機票，check in先鬆一口氣，仲要有窗口位坐，真是幸運。 因為連咩planning 都冇帶，雖然 hostel有 pick up，係候機室都好緊張咁打比朋友,叫佢check 番hostel的電話，費事唔知係邊訓。 起飛 連機場稅只不過千六，在３個小時的航程裡，根本未帶任何expectation，但原來都有個不錯的飛機餐，仲因係淡季關係，飛機人少任坐，還送了個日落,為短暫的行程帶來了點點驚喜。 抵達，順利地找到pick up的人，原來當日 hostel還有兩個新客人，有人作伙，多麼好；哪知他們只停一晚，第二日七點機飛Tawau，有點失望！連第一晚的dinner 都要lonely 咁係間 Malay 飯店解決，哪一刻真係好懷疑今次旅程會點過。 上神山 一早，因時間許可，去左一轉 sunday market 行左一轉，可惜因為要上山的關係，冇買任何野，唔通真係未重過。行完仲係附近一開cafe食左個喇沙先出發，Rm 5 only抵。 係坐巴士去神山山腳的時候，識左Ron, Brown, 仲有個鬼妹仔，最後Ron 同鬼妹仔決定係Kinabalu Park HQ停一日，第二是先上山，我就同Brown，一個來自英國的24 歲少年share 個 guide一齊上山，起初我仲好大口氣咁話 'Speed is not a problem, I will follow you, no matter you are fast or slow, let's share the guide' 到後來才知．．． 一開始便是不停上山，non-stop，起初到應付有餘，行左一段，仲落狗屎，係好似行澗，著左對Gortex boot都入水個種，自己又驚高山症，唔敢行快，連Brown的影都見唔到，仲要成身都濕，一個字慘；行行重行行，用左3個多小時，係３點終於到了第一日的休息站 (Laban Rata Rest House)。因為太凍，係restaurant 飲完成大碗chicken soap （真係大碗，非一般湯碗，成15Rm）都唔夠，再黎個簡單buffet （雖然只係炒飯、面，同簡單的ribs）。因為冇帶長褲，怕係Gunting凍死，Resthouse 咁岩又有人no show，加左Rm23 訓Laban，起碼有暖氣ma。 食完野，沖埋涼，和一個係香港HSBC工作的馬來西亞人(Jonathan)，新加坡的醫生和由香港移民左去加拿大的女仔吹左陣水，七點左右就睡了。 神山之旅２ 十點幾，已經醒，係張床轉來轉去，暖氣超焗，另外醫生同Jonathan又輪流鼻鼾播樂，由床頭轉去床尾，到兩點都訓唔著，超辛苦！諗住上一千米自己應該應付到，咪係2:55分係6度的情況下出發。 一路上山，有Ｄ位真你要手腳並用，凍都唔止，仲要越行越冇力，細步行心跳去到百幾，你係聽到佢跳，越高道越嚴重，過左Donkey Ear，就有貼錢買難受的感慨﹣苦。連種行極唔到，超辛若的感覺一值維持到去到 Low's Summit。上到頂坐在哪裡，只是動也不能動，寒風刺骨，伴著你只有點點頭痛和顫抖，哪裡還有欣賞美境的心情。 下山的路也不好走，居然一連滑倒了三次，短短的一公里都行左成廿分鐘。食左早餐，再小睡片刻先叫造好Ｄ，就和Brown急急下山亦為神山之旅劃上了句號。 晚上，去左 Anjung Samudera 一間Malay Food store 食左個豐富晚餐都係Rm24.5---抵（一般人消費係Rm7-8，so超豐富）。 Padas white water rafting 一早搭２個鐘車，再２個鐘火車去Padas 玩激流，不過未去到淨係坐火車都超掂，沒有想過原來一塊好似排卡車的物體都可以載客，仲要full---犀利。之後激流，雖然冇想像中哪麼刺激，但架橡皮艇都去到成80-90度，都 ＯＫ架。 途中還認識了一班香港黎的兩對情侶，車程期間，有傾有講都好開心，佢地仲帶左防水相機，希望快Ｄ收到Ｄ相。 潛水 因為改變左原來計劃，冇去Sipadan學潛水，係冇資料係手的情況下, 唯有take hostel 個個open water diving certificate course package，不過quality就冇assurance 啦！只有博一博，第一日上堂，個教練介紹Ivan，一個食一種味好重的煙的男人，接觸都nice的，不過感覺就唔係好prof.，同埋冇咩心機教，可能因為得的一個，一人一班。第二日出海正式實戰，水都一般清啦，冇想像中咁清，不過超多魚，有Ｄ螢光藍、螢光黃、啡白間．．．多到數唔曬，有Ｄ仲一群群，係超靚，太美了！！ 之後３次轉左個位潛，見到唔少coral reef，仲有Sea Turtles, 海蛇（唔知岩唔岩）．．． 係最後一日，仲遇見一對香港couple，相約左去食海鮮，完成左今次旅程的最後目標。 Last Day 旅程的最後一日，有陣陣細雨，老天對我也不懷，在馬來西亞的雨季裡，只在頭尾下了點雨，影響我的行程。雖然如此一早也去Linkas 的 City Mosque參觀，縱使未有開放，亦無奈咁係周圍行一圈，影相留念。 回家 短短８日旅程，行神山、學潛水的目標（還有就是自己一個人去旅行）都達到了，是充實的，學習了獨立吧，也有一份對屋企的懷念；旅途中，也體會到自己的幸福，在這裡每人平均收入也不Rm 800-1000，無疑自己是富足的，看來在新的工作裡要學會珍惜吧！ |
|
|
